የኢትዮጵያ መገናኛ ብዙኃን ምክር ቤት ፓርላማው ያፀደቀው የቦርድ አባላት ሹመት እንዲስተካከል ጠየቀ

የሕዝብ ተወካዮች ምክር ቤት ባለፈው ሳምንት በ11 ተቃውሞና በ17 ድምፀ ተዓቅቦ ያፀደቀውን የኢትዮጵያ መገናኛ ብዙኃን ባለሥልጣን ቦርድ አባላትን ሹመትና አጠቃላይ የአባላት ምልመላ ሒደት እንዲስተካከል፣ የኢትዮጵያ መገናኛ ብዙኃን ምክር ቤት ጠየቀ፡፡

ምክር ቤቱ ሚያዝያ 3 ቀን 2014 ዓ.ም. ባወጣው ጋዜጣዊ መግለጫ እንዳስታወቀው፣ የሕዝብ ተወካዮች ምክር ቤት፣ የኢትዮጵያ መገናኛ ብዙኃን ባለሥልጣን የቦርድ አባላት ሹመት የፀደቀው፣ ከዓመት በፊት ፓርላማው ያወጣውን የመገናኛ ብዙኃን አዋጅ ቁጥር 1238/2013 ድንጋጌን በመጣስ ነው፡፡ የአዋጁ ድንጋጌ እንደሚያስረዳው፣ የባለሥልጣኑ ቦርድ አባላት ምልመላ ሲካሄድ፣ ለሕዝብ ግልጽ መሆን አለበት፡፡ ሕዝብ አስተያየት እንደሚሰጥና የተመራጮች ዝርዝር በመገናኛ ብዙኃን ይፋ ይደረጋል፡፡ እነዚህንና ዝርዝር ድንጋጌዎችን በመተላለፉ የቦርድ አባላቱ ሹመት መጽደቁ ተገቢ አለመሆኑን ምክር ቤቱ በመግለጫ ተቃውሟል፡፡

https://www.ethiopianreporter.com/index.php/article/25218