Uncategorizedለፓን አፍሪካኒዝም መጠናከር የሚዲያ ባለሙያዎች ሊተጉ ይገባል ተባለ

ለፓን አፍሪካኒዝም መጠናከር የሚዲያ ባለሙያዎች ሊተጉ ይገባል ተባለ

የኢትዮጵያ የመገናኛ ብዙሃን ም/ቤት የልኡካን ቡድን ከየካቲት 20 – 24 ቀን 2014 ዓ.ም. ኡጋንዳ ካምፓላ ተገኝቶ የልምድ ልውውጥ እያደረገ በነበረበት ወቅት ታላቁ የአድዋ ድል 126ኛ ዓመት ክብረ በዓል በኡጋንዳ ተከብሯል፡፡

በዚሁ ፕሮግራም ላይ  በኡጋንዳ የኢፌዲሪ አምባሳደር ክብርት ወ/ሮ አለምፀሐይ መሠረት እኛ ኢትዮጵያዊያን ነፃነታችንን እና ክብራችንን ለማንም አሳልፈን እንደማንሰጥ ያረጋገጥንበትን በደም በአጥንታችን የታነፀ ብርሃን ፈንጣቂ ህያው ሀውልት ለመላው ጥቁር ህዝቦች በተለይም ለአፍሪካዊያን ያቆምንበት ታላቅ የድል ቀን ነው በማለት የእንኳን አደረሰን መልዕክት አስተላልፈዋል፡፡

Ambassador of Ethiopia
Ambassador of Ethiopia

አምባሳደር አለምፀሐይ አያይዘውም ይህን የድል ቀን ከኢትዮጵያና ከኡጋንዳ የሚዲያ ባለሙያዎችና አመራሮች ጋር ሆነን እዚህ ኡጋንዳ – ካምፓላ ላይ ስናከብረው ትርጉሙ ከፍ ያለ ነው በማለት ፓን አፍሪካዊነት እንደገና እንዲጠናከር የሚዲያ ባለሙያዎች ትኩረት ሰጥተው እንዲሰሩ ወኔ የሚቀሰቅስ መልካም የመነቃቂያ አጋጣሚ እንደሚሆን እምነታቸውን ገልፀዋል፡፡

Adwa celebration in Ethiopia Embassy
Adwa celebration in Ethiopia Embassy

በዚሁ ስነስርዓት ላይ የተገኙት የኡጋንዳ የኢንፎርሜሽን ኮሚዩኒኬሽን ቴክኖሎጂ ምክትል ሚኒስትር ዶ/ር ክሪስ ባርዮሙንሲ በበኩላቸው የነፃነት ጐህ የቀደደልን ይህ ታላቅ የድል በዓል በኢትዮጵያ ብቻ ሳይሆን በመላው አፍሪካ በድምቀት ሊከበር ይገባል ብለዋል፡፡

አክለውም የአድዋ ድል ፓን አፍሪካኒዝም በቃላት ከመቀንቀን ባለፈ ለመጀመሪያ ጊዜ በተግባር የተተረጐመበት በጥቁር ህዝቦች ደም የታተመ የድል ታሪካችን ነውና ሁላችንም እንኮራበታለን በማለት ጋዜጠኞችና የሚዲያ ሙያተኞች ትክክለኛውን ታሪክ ለህዝቡ በማሳወቅና በማስተማር በኩል ከፍተኛ ሃላፊነት እንዳለባቸው አሳስበዋል፡፡

የኡጋንዳ መገናኛ ብዙሃን ምክር ቤት ፕሬዚዳንት ሚስተር ፖውል በበ በበኩካቸው የኢትዮጵያ መገናኛ ብዙሃን ምክር ቤት አመራሮችን ተቀብለን ከምናስተናግድበት ወቅት ጋር የጥቁር አፍሪካውያን የነፃነት ድል የሆነው የአድዋ ድል በዓል መገናኘቱ ልዩ ስሜት ይፈጥራል፤በዚህም በጣም ደስተኞች ነን ብለዋል፤

Traditional music
Traditional music

በዚሁ ፕሮግራም ላይ የኡጋንዳ የባህል ሙዚቃ ዝግጅት የቀረበ ሲሆን ልዩ ልዩ የባህል ውዝዋዜና ትርኢት ቀርቧል፡፡

LEAVE A REPLY

Please enter your comment!
Please enter your name here

FOLLOW US

4,545FansLike
4,545FollowersFollow
4,213SubscribersSubscribe